Kryeministri i Republikës së Kosovës, Avdullah Hoti ka thënë se deri në fund të këtij viti, do të mbështeten rreth 100 të rinj për të hapur biznese start-up, njofton Gazeta Sinjali.

Sipas Hotit, qeveria e tij mbetet e përkushtuar për rritjen e mbështetjes për të rinjtë dhe do ta vazhdojë zbatimin e programeve në fushën e punësimit dhe të ndërmarrësisë për të rinjtë e Kosovës.

“Qeveria e Republikës së Kosovës, nëpërmjet Ministrisë së Kulturës, Rinisë dhe Sportit, në harmoni me objektivat e Agjendës për Reforma Evropiane dhe në zbatim të Planit të Veprimit për Punësimin e të Rinjve, ka organizuar me sukses trajnimin e 500 të rinjve në ndërmarrësi, si dhe 755 të rinjve në trajnime profesionale të nevojshme për tregun e punës. Vëmendje e veçantë i është kushtuar edhe përfshirjes së komuniteteve pakicë dhe grupeve të margjinalizuara”, shkruan Hoti në rrjetin e tij social Facebook. /Gazeta Sinjali/