Deputeti i LDK-së, Avdullah Hoti ka përkujtuar Xhemail Mustafën në 22-vjetorin e vrasjes së tij.
Ai përmes një postimi në Facebook, ka thënë se dija, penda dhe angazhimi i tij ka qenë në funksion të së drejtës tonë për liri dhe pavarësi.
Postimi i plotë:
Sot, përkujtojmë gazetarin, publicistin, shkrimtarin, këshilltarin dhe mikun e Presidentit Historik Dr. Ibrahim Rugova, Xhemail Mustafën.
Dija, penda dhe angazhimi i Xhemail Mustafës ishte në funksion të artikulimit të së drejtës tonë për liri dhe pavarësi përmes informimit të opinionit vendor dhe ndërkombëtar.
Do ta kujtojmë përherë sepse veprat e tij do të mbeten përjetësisht.
I përhershëm qoftë kujtimi për Xhemail Mustafën!
