Kryeministri i Kosovës, Avdullah Hoti ka reaguar lidhur me sulmin që ndodhi mbrëmë pas mesnate në Mitrovicë ndaj gazetarit Shkumbin Kajtazi, vetura e të cilit është sulmuar me armë zjarri nga persona ende të panjohur.
Përmes një postimi në Facebook, Hoti ka kërkuar nga organet e rendit që ta trajtojnë këtë rast me prioritet të lartë dhe t’i zbardhin rrethanat e sulmit, shkruan Gazeta Sinjali.
“Sulmet ndaj gazetarëve dhe mediave janë sulme direkte ndaj vlerave demokratike, prandaj edhe do të trajtohen me prioritet nga organet e rendit në Republikën e Kosovës”, shkroi Hoti. /Gazeta Sinjali/
