image Hoti: Mos i shihni sondazhet, vota e qytetarëve nuk është një like në Facebook

Politikë

Hoti: Mos i shihni sondazhet, vota e qytetarëve nuk është një like në Facebook

news image

Kryeministri në detyrë, Avdullah Hoti, ka apeluar te qytetarët që t’i injorojnë sondazhet për zgjedhjet e 14 shkurtit, të cilat po publikohen në rrjete sociale, shkruan Gazeta Sinjali.

Sipas tij, një pëlqim në Facebook nuk do të thotë se është votë.

Hoti shprehet i bindur se Lidhja Demokratike e Kosovës do të dalë fituese e këtyre zgjedhjeve.

“Mos i shihni sondazhet, vendimi i qytetarëve ka me ndodhë me 14 shkurt. Vota e qytetarëve nuk është si një like në Facebook, ose një klikim në rrjetet e ndryshme sociale. Vota e qytetarëve është besim dhe ai besim vie nga puna që është bërë deri tash. Unë i kam vizituar të gjitha strukturat tona anekënd Kosovës janë plotësisht të organizuara dhe do ta shihni rezultatin më 14 shkurt. Jemi të organizuar dhe të bindur se do të dalim fitues në këto zgjedhje”, tha ai në një konferencë për media në Gjilan./Gazeta Sinjali/