image Hoti i reagon Muratit: Të prezantohet si sukses suficiti buxhetor në kohën e krizës së inflacionit është naivitet

Financa

Hoti i reagon Muratit: Të prezantohet si sukses suficiti buxhetor në kohën e krizës së inflacionit është naivitet

news image

Ish-kryeministri i Kosovës, Avdullah Hoti i ka reaguar ministrit të Financave, Hekuran Murati pasi ky i fundit tha se deficiti buxhetor është zvogëluar në rekord historik.

Deputeti i LDK-së, përmes një postimi në Facebook, e ka quajtur “naivitet” prezantimin si një sukses të suficitit buxhetor kur kjo ka ndodhur në krizën e inflacionit dhe atë energjetike.

Sipas Hotit, atëherë kur pagat nuk rriten dhe bllokohen miliona euro, buxheti del në suficit.

Postimi i plotë:

Të prezantohet si sukses suficiti buxhetor në kohën e krizës së inflacionit dhe krizës energjetike është naivitet. Sikur të kishim rritje ekonomike 10%, ndoshta edhe do të kishte kuptim suficiti buxhetor.

Por, në situatën kur pagat nuk rriten dhe bllokohen miliona euro të investimeve kapitale, sigurisht se buxheti del në suficit.

/GazetaSinjali/