Kryeministri i Kosovës, Avdullah Hoti, ka thënë se pika 10-të e marrëveshjes Kosovë-Serbi, e cila u largua me kërkesë të kësaj të fundit, nuk kishte të bënte me njohje reciproke mes dy vendeve.

Sipas tij, kjo pikë kishte të bënte me ruajtjen e pakicave, të drejtave të minoriteteve dhe jo me njohjen reciproke.

Hoti ka folur edhe për njohjen nga Izraeli dhe hapjen e ambasadës së Kosovës në këtë vend.

“Ne kemi nevojë për njohje nga Izraeli, edhe nga vendet e tjera arabe”, është shprehur Hoti në T7, duke shtuar se nuk sheh asnjë problem në lidhje me këtë çështje.

Ai ndërkaq ka shprehur bindjen e tij se deri në fund të vitit mund të arrihet edhe marrëveshja finale Kosovë-Serbi.

“Jam i bindur se po shkojmë drejt asaj dhe duhet të punojmë së bashku”, ka thënë Hoti.

Sipas tij, marrëveshja e Washingtonit për normalizim ekonomik me Serbinë është marrëveshja më historike e Kosovës, e arritur pas asaj të shpalljes së pavarësisë më 17 shkurt. /GazetaSinjali/