Pesë persona kanë mbetur të plagosur gjatë një sulmi me thikë gjatë protestave në Hong Kong. Sulmi ndodhi në qendrën tregtare Cityplaza në Tai Koo. Katër burra dhe një grua u plagosën, dy prej të cilëve në gjendje të rëndë për jetën.

Një prej të plagosurve  ishte një anëtari këshilli lokali, të cilit sulmuesi i kafshoi veshin.

Politikani lokal pësoi dëme të mëdha në vesh dhe vendi u mbush me gjak pas kafshimit nga sulmuesi, ende i paidentifikuar.

Dëshmitarët thanë se burri nxori thikën pas një debati me njerëzit në qendrën tregtare ku po mbaheshin protestat pro-demokracisë.

Këshilltari lokal, Andrew Chiu Ka-yin raportohet se ishte duke u përpjekur të ndalonte sulmuesin të largohej nga vendi i ngjarjes kur ai e kafshoi në një pjesë të veshit.

Dëshmitarët thanë gjithashtu se sulmuesi u rrah shumë keq nga kalimtarët para se të arrestohej nga policia.