Ukrainasit që ikin nga skenat e shkatërrimit dhe masakrës në Ukrainë tashmë po intervistohen nga hetuesit në pritje të një gjyqi të ardhshëm për krimet e luftës të Vladimir Putin, së bashku me zyrtarët e tij të lartë dhe gjeneralët.
Me mbi një milion refugjatë që kalojnë kufirin, ka një bollëk dëshmish të dëshmitarëve okularë, ndërsa fluksi i pamjeve video përmes mediave sociale ka siguruar një sasi të paprecedentë provash që po i nënshtrohen analizës mjeko-ligjore, shkruan The Guardian.
Megjithatë, sasia e madhe e provave nuk është domosdoshmërisht një garanci për një gjyq të suksesshëm dhe hetuesit me përvojë të krimeve të luftës paralajmërojnë se ka një luftë të gjatë përpara se Putini dhe regjimi i tij të jenë në bankën e të akuzuarve, personalisht ose në mungesë.
