Ministrja e Drejtësisë, Albulena Haxhiu së bashku me ministrin e Punëve të Brendshme, Xhelal Sveçla, kanë vizituar sot Stacionin Policor në Koshtovë dhe Pikën e Kontrollit tek Ura e Bistricës, raporton Gazeta Sinjali.
Ministrja Haxhiu bëri të ditur se panë nga afër punën dhe angazhimin e Policisë së Kosovës, duke shtuar se të njëjtit i përgëzuan për angazhimin maksimal në ofrimin e sigurisë për qytetarët dhe luftimin e kontrabandës dhe dukurive tjera të paligjshme.
“Me ministrin Sveçla vizituam Stacionin Policor në Koshtovë dhe Pikën e Kontrollit tek Ura e Bistricës. Nga afër pamë punën dhe angazhimin e policisë së Kosovës. I përgëzuam për angazhimin maksimal në ofrimin e sigurisë për qytetarët dhe luftimin e kontrabandës dhe dukurive tjera të paligjshme”, shkroi Haxhiu në llogarinë e saj në Facebook.
