image Haradinaj sqaron se pse nuk u takua me Kurtin: I thashë 'tregoni hajnit tuaj që kur i fton njerëzit duhet me i pritë'

Politikë

Haradinaj sqaron se pse nuk u takua me Kurtin: I thashë ‘tregoni hajnit tuaj që kur i fton njerëzit duhet me i pritë’

news image

Kreu i AAK-së, Ramush Haradinaj, ka sqaruar se pse nuk mori pjesë në takimin e së dielën, në të cilin ishte i ftuar nga kryeministri Albin Kurti, bashkë me kryetarin e PDK-së, Memli Krasniqin dhe atë të LDK-së, Lumir Abdixhikun.

Haradinaj ka sqaruar se si ishte ndryshuar orari i këtij takimi.

Ai tha se ftesën nga Kurti e mori në mbrëmje për të nesërmen në ora 10, por sqaroi se kishte kërkuar që takimi të mbahej më herët sepse në atë kohë i duhej të shkonte në Gllogjan.

Për këtë Haradinaj thotë se mori konfirmim nga zyra e Kurtit që orari i takimit të ndryshonte për në orën 9, por tutje tregon se kur shkoi atje nuk e gjeti kryeministrin Kurti.

“Ftesa për takim më ka ardhë në ora 9 në mbrëmje për të nesërmen në ora 10. I kam treguar kryeministrit se me dëshirë kisha ardhë, por më duhet me qenë në Gllogjan në ora 10. Mund të vij më herët në ora 9 ose pasdite kur të kthehem. Nga kryeministri kanë kontaktu me zyrën time dhe kanë vlerësu që është në ora 9, ne kemi mbërri në ora 8 e 57 para qeverisë”, ka thënë Haradinaj.

Tutje, Haradinaj tregoi se kryeministri nuk ishte aty as në orën 9 dhe për këtë nuk i dha shpjegim askush, prandaj ai vendosi të largohej.

“Na ka pritur protokolli i tij na ka shoqëru deri në korridor. Kur është bërë ora 9 e kam lutur a po e njofton kryeministrin se jemi këtu. Në vend se me më dhënë shpjegim ai më ka lutur çka dëshiron me pi, unë i thashë ‘tregoni këtij hajnit të juaj kryeministër që kur i thirrë njerëzit duhesh me qenë aty për me i pritë, nuk ekziston kjo logjikë as njerëzore, as familjare, as shtetërore’. Në ora 9 e 1 minutë jam nisur në drejtimin e kundërt. Nëse ka ndonjë arsye, të thotë a mundesh me prit, ne njerëz jemi”, tha tutje Haradinaj në T7.

Ai shtoi se sipas bindjes së tij Kosova ka vepruar drejt me reciprocitetin me tabela./Gazeta Sinjali/