Ish-kryeministri i Kosovës, Ramush Haradinaj, ka cilësuar se situate me koronavirusin është në pikën alarmante, teksa sipas tij qeveria ende nuk ka bërë përgatitjet e duhura nëse gjendja përshkallëzohet.

Haradinaj përmes një shkrimi të publikuar në Facebook, ka thënë se duhet të përgatitet menjëherë Parku Inovativ Trajnues në Prizren, si qendër rezervë për karantinë dhe trajtim mjekësor, transmeton Gazeta Sinjali.

“Kosova duhet të dizajnojë planin e saj të parandalimit dhe mbrojtjes nga ky virus e jo të kopjojë plane të cilat nuk përkojnë me kapacitetet dhe specifikat tona”, ka shkruar ai në Facebook.

Në Kosovë, aktualisht janë konfirmuar 13 raste me koronavirus./Gazeta Sinjali/