Kryetari i Aleancës për Ardhmërinë e Kosovës, Ramush Haradinaj, ka bërë sot homazhe për nder të 24 vjetorit të vdekjes së Zahir Pajazitit, shkruan Gazeta Sinjali.

Haradinaj u shpreh se Zahir Pajaziti së bashku me dy ish-ushtarët tjerë Edmond Hoxhën dhe Hakif Zejnullahun, u shndërruan në pikëmbështetje të vizionit për Kosovën.

“Shembuj të atdhedashurisë dhe vetëmohimit, në kërkim të lirisë dhe të drejtës së shqiptarëve. Zahir Pajaziti, Edmond Hoxha dhe Hakif Zejnullahu, njëzetekatër vite më parë u shndërruan në pikëmbështetje të vizionit tonë për Kosovën. Lavdi e përjetshme!”, shkroi Haradinaj në Facebook./Gazeta Sinjali/