image Haradinaj për Kurtin: Nëse nuk ndryshon kurs të veprimit ndaj kërkesave të SHBA-së, rrëshqet në tradhti

Politikë

Haradinaj për Kurtin: Nëse nuk ndryshon kurs të veprimit ndaj kërkesave të SHBA-së, rrëshqet në tradhti

news image

Kryetari i AAK-së, Ramush Haradinaj, pas konferencës që mbajti sot ka reaguar serish. Ai ka thënë se situata në Kosovë është duke u përkeqësuar dhe se kryeministri i Albin Kurti nuk e ka idenë se çka po ndodhë në vendin e tij.

Ish-kryeministri i vendit, i bëri thirrje Kurtit që të ndryshojë qëndrim ndaj kërkesave të Shteteve të Bashkuara të Amerikës në të kundërtën “rrëshqet në tradhti”.

Postimi i plotë:

Situata në Kosovë po përkeqësohet nga çasti në çast e Kryeministri nuk e ka idenë se çka po ndodhë me vendin e tij!

Sot i kam kërkuar që urgjentisht të ndërrojë kahje e ta shfuqizojë vendimin e tij për targat e të mos e rrezikojë stabilitetin në vend e në rajon. Kosova ka nevojë për marrëveshje për njohje me Serbinë,  e jo për populizma që me to t’i shërojë egot e sëmura Kryeministri.

Ne nuk e kemi luksin që për tekat e tij, ta rrezikojmë ekzistencën e shtetit dhe lirinë e paguar shtrenjtë.

Nëse kryeministri nuk ndërron kurs të veprimit dhe nuk harmonizohet me kërkesat amerikane menjëherë, ai sigurt se po rrëshqet në tradhëti.

Unë s’kam çka i them tjetër përpos që nuk do të lejohet as ai e askush tjetër që ta rrezikojë të ardhmen e vendit.

Prandaj ndalu!