Kryeministri në detyrë, Ramush Haradinaj ka thënë se nuk ka rrezik që në janar dhe shkurt të ketë pengesa të funksionimit të buxhetit.

Siç tha ai, ekziston një procedurë e cila mundëson aktivizimin e 1/12 të buxhetit paraprak, shkruan Gazeta Sinjali.

“Sipas ligjeve të Kosovës , 1/12 e buxhetit paraprak aktivizohet. Ekziston një procedurë që Qeveria me i kërku parlamentit për shfrytëzimin e 1/12 për marsin. Më 1 prill përfundon edhe s’ka mundësi tjera.  Për janar dhe shkurt s’ka pengesa të funksionimit të buxhetit”, tha Haradinaj në mbledhjen e sotme të qeverisë.

Në këtë mbledhje, qeveria Haradinaj ka ndarë 250 mijë për koalicionin global kundër organizatave terroriste ISIS dhe DEASH. /Gazeta Sinjali/