Kryetari i Aleancës për Ardhmërinë e Kosovës, Ramush Haradinaj, ka përkujtuar masakrën e Gjakovës, në 21 vjetorin e saj, shkruan Gazeta Sinjali.

Haradinaj tha se zjarri që dogji viktimat të cilat fillimisht u masakruan simbolizon lirinë e Kosovës e cila, thotë ai, u pagua shumë shtrenjtë.

Lideri i AAK-së tha se fëmijë, gra e pleqë u masakruan me metoda më barabre vetëm pse ishin shqiptarë dhe jetonin në trojet e tyre.

Haradinaj po ashtu përmendi demonstrata gjithëpopullore të fillimprillit të vitit 1981, që ishin fillimi i shkatërrimit të Jugosllavisë. Mobilizimi i cili, sipas tij, tregoi etje të popullit për liri e barazi./Gazeta Sinjali/