Kreu i Aleancës për Ardhmërinë e Kosovës, Ramush Haradinaj ka bërë thirrje që të kontribuohet për Fondin e Sigurisë.
Haradinaj tha se secili prej atyre që po e kundërshton Fondin e Sigurisë së Kosovës, po i rrezikon fëmijët e tyre.
Kreu i AAK-së në kanal 10 tha se tanimë është kohë urgjente që Kosova të ketë një fond të tillë.
Ai u ka bërë thirrje të gjithë shqiptarëve që të kontribuojnë në këtë fond.
“Unë nuk mendoj që Fondi i Sigurisë së Kosovës është politikë ditore. Edhe unë kisha pasur shumë dëshirë që qeveria të ndajë sa më shumë buxhet për ushtrinë. Nuk janë para këto që kanë me na lënë keq neve. Është shumë me rëndësi të ju bëhet thirrje shqiptarëve ta ndihmojnë Fondin e Sigurisë. Siguria është e gjeneratave, e jo e një qeverie. A ke dëgjuar ndonjëherë ndonjë qeveri të huaj që e ka kritikuar këtë fond? Amerika është duke e mbikëqyrur ushtrinë. Është kohë urgjente e emergjente, ka transparencë edhe financiare ky fond”, tha ai.
