Kryeministri në dorëheqje, Ramush Haradinaj, ka deklaruar se mediat e afërta me ish-ministrin e propagandës së kasapit të Ballkanit, Sllobodan Millosheviq, kanë filluar një fushatë shpifëse kundër tij.

Haradinaj me këtë rast i është referuar presidentin aktual serb, Aleksandër Vuçiq, dhe mediave të afërta me të,  të cilat po thonë se e dinë arsyen e thirrjes së Haradinaj në Gjykatën Speciale në Hagë.

“Kanë dështuar në të kaluarën, po dështojnë tani dhe do të dështojnë gjithnjë”, ka shkruar Haradinaj në  llogarinë e tij  në rrjetin social Facebook.

Kryeministri i dorëhequr është paraqitur para Gjykatës Speciale në Hagë si i dyshuar para disa ditëve ku ka vendosur të mbrohet në heshtje.

Ky është shkrimi i plotë i tij:

Mediat e afërta me ish-ministrin e propagandës së kasapit të Ballkanit Milosheviq, tash president i Serbisë, Aleksander Vuqiq, kanë filluar një fushatë shpifëse kundër meje. Kanë dështuar në të kaluarën, po dështojnë tani dhe do të dështojnë gjithnjë!

RH