Kryetari i Organizatës së Veteranëve të Luftës së UÇK-së, Hysni Gucati, ka folur për rastin ku një person u dënua me katër muaj burgim pasi e kishte kërcënuar.
Gucati tha se e ka falur familjen dhe djemtë e personit në fjalë, ndërsa vendimin për rastin ia ka lënë drejtësisë.
“Me personin nuk kam asgjë. Ai është i dënuar me katër muaj dhe unë nuk kam asgjë me të”, ka deklaruar Gucati në Klan Kosova.
Ai tha se vendimi për ta denoncuar erdhi pas, siç u shpreh ai, fyerjeve të vazhdueshme që i kishte marrë në rrjete sociale.
“Ne jemi prej gjakut dhe prej mishit. Siç thotë populli, çdo njeriu i humb durimi, edhe mua më humbi durimi duke parë fyerjet që m’i bëri”, tha Gucati.
Sipas tij, personi në fjalë i kishte dërguar disa herë mesazhe fyese në Facebook, duke thënë se këtë rast e kishte konsideruar të tepruar.
Sinjali – aty ku e vërteta flet para lajmit!