image Greqia në pritje të temperaturave mbi 44 gradë Celsius

Rajon

Greqia në pritje të temperaturave mbi 44 gradë Celsius

news image

Temperaturat në Greqi parashikohet të rriten ndjeshëm gjatë ditëve të ardhshme, duke arritur nesër deri në 43-44 gradë Celsius, sipas të dhënave më të fundit nga shërbimi i motit i Observatorit Kombëtar të Athinës.

Sot, temperaturat maksimale në pjesët qendrore dhe jugore të këtij shteti ishin mes 39 dhe 41 gradë Celsius, ndërsa në veri ato do të lëvizin nga 36 në 38, raporton ATSh.

Temperatura shumë të larta parashikohen gjithashtu në ishujt grekë, duke arritur 39 gradë Celsius në disa pjesë të Kretës dhe Rodosit Lindor.

Për më tepër, përqendrimet e pluhurit do të mbeten të larta në pjesët perëndimore të Greqisë./Gazeta Sinjali/