Mason Greenwood mbetet në listën e skuadrës së Manchester United pasi të gjitha akuzat për përdhunim dhe sulm ndaj futbollistit u hodhën poshtë.
Në një indikacion të mundshëm që 21-vjeçari mund të rifillojë karrierën e tij të futbollit, Greenwood mbetet i emëruar në faqen e skuadrës së parë në faqen zyrtare të United.
Greenwood u përfshi në mesin e lojtarëve nën-21 vjeç në listën zyrtare të skuadrës së United në Premier League në fillim të sezonit, pavarësisht se u pezullua nga klubi.
Biografia e tij në faqen e internetit të klubit nuk përmend akuzat kundër tij me përditësimin e fundit që përmend një kontratë të re deri në vitin 2025 që ai nënshkroi në 2021 dhe kaloi 100 paraqitje për klubin.
United ende nuk ka komentuar nëse do të hiqet pezullimi i Greenwood.
Reprezentuesi anglez u akuzua për tentativë përdhunimi, sjellje kontrolluese dhe shtrënguese dhe sulm që shkaktoi lëndime trupore në tetor 2022. Të treja akuzat lidheshin me të njëjtën grua.
Pasditen e së enjtes, u mor një vendim për të pushuar ndjekjen penale pas ‘tërheqjes së dëshmitarëve kryesorë dhe materialeve të reja që dolën në dritë’, tha Shërbimi i Prokurorisë së Kurorës.
Greenwood, i cili ka shënuar 35 gola në 129 ndeshje për United që nga debutimi i tij në mars 2019, u pezullua nga klubi më 30 janar të vitit të kaluar, menjëherë pas arrestimit të tij nga Policia e Mançesterit.
Ndeshja e tij e fundit për United ishte në fitoren 1-0 në Premier League ndaj West Hamit më 22 janar të vitit të kaluar, me golin e tij të fundit në fitoren 3-1 në Brentford tre ditë më parë. Numri 11 i fanellës së Greenwood nuk është rishpërndarë.
Paraqitja e tij e vetme për kombëtaren e Anglisë ishte kundër Islandës në shtator 2020.
Një zëdhënës i CPS tha: ‘Ne kemi për detyrë t’i mbajmë çështjet nën shqyrtim të vazhdueshëm.
“Në këtë rast, një kombinim i tërheqjes së dëshmitarëve kryesorë dhe materialeve të reja që dolën në dritë nënkuptonin se nuk kishte më një perspektivë realiste për dënim. Në këto rrethana, ne kemi për detyrë ta ndalojmë rastin.
