Sot, në një lokacion në Graçanicë është zbuluar një arë, në të cilën dikush kishte mbjellë bimë të kanabisit. Sinjali mëson se rasti është denoncuar nga pronari i tokës, i cili ka njoftuar Policinë se në arën e tij, të mbjellur me misër, gjeti kanabis.
Burimet brenda Prokurorisë kanë bërë të ditur se me t’u denoncuar rasti, njësiti i Antidrogës ka dalë në vendin e ngjarjes, ku në disa pjesë të tokës, janë gjetur bimë të kanabisit.
Sipas pronarit, ende nuk dihet se kush i ka mbjellë këto bimë në arën e tij.
Ajo që dihet deri më tash është se kanë angazhuar njësitë përkatëse për shkatërrimin e kanabisit që u zbulua, teksa Prokurori ka dhënë urdhër për nisjen e hetimeve.
Sinjali ka siguruar edhe pamje nga një pjesë ku u gjetën bimët e kanabisit, që mund t’i shihni më poshtë:
