Drejtori i të ashtuquajturës zyre për Kosovën në Qeverinë e Serbisë, Marko Gjuriq, vlerëson se vrazhdësia e kryeministrit të Kosovës, Avdullah Hoti, nuk ka kufij.

Sipas tij, Hoti tallet me Bashkimin Evropian dhe Beogradin, duke deklaruar se tema e Bashkimit të Komunave Serbe (ZSO) është e mbyllur për të.

“Edhe pse Hoti nuk është aq arrogant në Bruksel, ku zakonisht është i frikësuar dhe më i vogël se një farë lulekuqe, provokimet e tij nuk duhet të qëndrojnë pa përgjigje nga Bashkimi Evropian”, tha Gjuriq, shkruan Blic.rs., transmeton Gazeta Sinjali.

Në deklaratë, ai vlerëson se dialogu midis Kosovës dhe Serbisë është unik në atë që njëra nga palët nuk ka nevojë as të justifikohet për moszbatimin e marrëveshjes, as nuk vuan ndonjë sanksion nga ndërmjetësuesit në dialog.

“Kosovës nuk mund t’i besohet, sepse mesazhet që vijnë nga atje dëshmojnë për mungesën e pariparueshme politike të kulturës dhe pamundësinë që strukturat politike lokale të miratojnë rregullat më themelore të sjelljes së civilizuar, të cilat padyshim që i detyrojnë të gjithë përveç tyre”, tha ai.

Ai thotë se Beogradi nuk do të humbasë mundësinë për të diskutuar ndonjë temë, por shprehet pesimist për kuptimin e dialogut me dikë, që sipas tij, as fjala e dhënë dhe as nënshkrimi nuk janë të detyrueshme.

“Për shtatë vjet e gjysmë, Prishtina ka refuzuar të mundësojë formimin e KKK-së dhe do ta bëjë këtë për shtatë vitet e gjysmë të ardhshme nëse dikush nuk i shpjegon asaj në mënyrë bindëse kuptimin e fjalës ‘detyrim'”, deklaroi drejtori i të ashtuquajturës zyre për Kosovë.

Ai thotë se Asociacioni është një detyrim i Kosovës dhe derisa të formohet me të gjitha kompetencat e rëna dakord, është e pamundur për të që të imagjinojë ndonjë përparim thelbësor në dialog./Gazeta Sinjali/