Gjuajtjet me armë zjarri janë bërë të shpeshta në vendin tonë, duke cenuar kështu sigurinë e qytetarëve të cilët ka rast kur mund t’u rrezikohet jeta, raporton Gazeta Sinjali. E një rast që për fat të mirë nuk ka përfunduar me fatalitet, ka ndodh mbrëmë në Gjilan.
Përveç të shtënave me armë zjarri, në restorantin “Astoria” ka ndodhur edhe një përleshje mes disa personave.
Sijnali mëson nga burimet brenda Prokurorisë se në vendin e ngjarjes ka dalë Policia e Kosovës dhe ka konstatuar se në lokal kishte pas të shtëna por nuk është identifikuar ndonjë person i lënduar.
Sipas informacioneve, njësia e forenzikës kanë identifikuar dhe sekuestruar disa gëzhoja të revoles, të cilat dyshohet se janë shkrepur në ajër nga një person.
Sinjali mëson se Policia ka arrit ta identifikojë dhe ndalojë personin e dyshuar.
Të dyshurit i është sekuestruar një armë zjarri e tipit pistoletë si dhe disa fishekë.
Ndërkaq për zbardhjen e rrethanave të ngjarjes, Policia ka siguruar pamjet nga kamerat e sigurisë në cilësi të provës.
Personi i arrestuar është ndaluar për 48 orë me dyshimin se ka kryer veprën penale “shkaktimi i rrezikut të përgjithshëm dhe mbajtje në pronësi, kontroll ose posedim të paautorizuar të armëve”.
