Tenisti serb, Novak Gjokoviq, fitoi apelin kundër vendimit për refuzimin e vizës në Gjykatën Federale të Qarkut të Australisë.
Kështu atij i lejohet të garojë në “Australian Open” nga 17 janari, pavarësisht se ishte i pavaksinuar kundër COVID-19.
“Jam i kënaqur dhe mirënjohës që gjykatësi më anuloi vendimin për anulimin e vizës. Pavarësisht nga gjithçka që ka ndodhur, unë dua të qëndroj dhe të përpiqem të konkurroj në Australian Open. Unë mbetem i fokusuar në këtë. Fluturova këtu për të luajtur në një nga eventet më të rëndësishme që kemi përballë fansave të mrekullueshëm” shkroi ai në Twitter.
Numri 1 i botës në tenis, argumentoi se ai fluturoi në Australi me një “përjashtim” për vizën e tij, por kur mbërriti në vend të mërkurën, atij iu mohua hyrja, shkruan Skysports.
Të hënën, gjykatësi Anthony Kelly, anuloi vendimin për anulimin e vizës dhe urdhëroi qeverinë australiane të paguante shpenzimet ligjore dhe ta lironte Gjokoviqin nga paraburgimi brenda gjysmë ore.
I’m pleased and grateful that the Judge overturned my visa cancellation. Despite all that has happened,I want to stay and try to compete @AustralianOpen
— Novak Djokovic (@DjokerNole) January 10, 2022
I remain focused on that. I flew here to play at one of the most important events we have in front of the amazing fans. ???? pic.twitter.com/iJVbMfQ037
