Gjermania ka vendosur të ndryshojnë Ligjin për Mbrojtjen nga Infeksioni dhe ligjet e tjera. Rregulloret e reja përfshijnë masa sipas ligjit të punës dhe ligjit për shëndetin dhe sigurinë në punë, si dhe shërbimet mbështetëse.
Ministria Federale e Punës, njoftoi përmes Twitter-it se “për të mbrojtur më mirë punonjësit, 3G do të aplikohet në vendin e punës nga 24 nëntori”. Në faqen zyrtare të ministrisë jepen detaje të hollësishme rreth 3G.
Ministria Federale e Shëndetësisë konfirmoi po ashtu se rregulli i planifikuar 3G në trafik dhe testimi i detyrueshëm në shtëpitë e të moshuarve në të gjithë vendin gjithashtu duhet të hyjë së shpejti.
Një zëdhënëse e Ministrisë së Punës tha se hyrja në fuqi e vendimit varet kur ai do të nënshkruhet nga presidenti federal. Sipas ligjit, ai hyn në fuqi një ditë pas nënshkrimit.
Zyra e Presidentit Federal njoftoi se me vlerësimin e kushtetutshmërisë, Ligji për Mbrojtjen nga Infeksionet pritet të hyjë në fuqi para mesit të javës së ardhshme.
Rregullat e reja nënkuptojnë se nëse “kontakti fizik” me të tjerët në kompani nuk mund të përjashtohet, qasja në vendin e punës duhet të jetë e mundur vetëm me dëshmi vaksinimi, shërimi nga COVID-19 ose një test negativ PCR, i cili duhet të bëhet çdo 48 orë. Gjithashtu, kompanitë duhet ta kontrollojnë punëtorin në baza ditore.
Të gjithë ata që nuk duan të respektohen rregullat mund të pushohen nga puna. Të gjithë ata që vijnë në Gjermani dhe nuk janë vaksinuar, duhet të sjellin me vete prova të një testi të shpejtë negativ për coronavirusin.
Në të gjithë Gjermaninë, punonjësit dhe vizitorët duhet të lejohen gjithashtu të hyjnë në shtëpi të pleqve, klinika dhe ambiente për personat me aftësi të kufizuara vetëm me një test negativ ditor. Punëtorët e vaksinuar ose të shëruar mund të bëjnë gjithashtu vetë-teste ditore ose të bëjnë teste PCR dy herë në javë.
Situata me COVID-19 në Gjermani po vazhdon të jetë dramatike, shkaku rritjes së vazhdueshme të numrit të të infektuarve. Kancelarja gjermane, Angela Merkel, ditë më parë deklaroi se vala e katërt e COVID-19 po e godet fuqishëm Gjermaninë.
