Felix Brych është emëruar si arbitri kryesor për ndeshjen e parë gjysmëfinale të evropianit Itali-Spanjë në Londër, më 6 korrik.

Për Brych, kjo do të jetë ndeshja e pestë në këtë Euro, pasi ai në fazën e grupeve ndau drejtësinë në ndeshjet Holandë – Ukrainë (3-2) dhe Finlandë – Belgjikë (0-2), në raundin e 16 referoi ndeshjen Belgjikë – Portugali (1-0) dhe çerekfinalen Ukrainë – Angli (0-4).

Brych do të ndihmohet në fushë nga bashkatdhetarët e tij, Mark Borsch dhe Stefan Lupp dhe në dhomën VAR nga Marco Fritz. Rusi Sergei Karasyov është emëruar gjyqtari i katërt./Gazeta Sinjali Sporti/