Gjashtë adoleshentë janë dënuar lidhur me ngjarjet që çuan në vrasjen e mësuesit të tyre, Samuel Patyt më 2020, një rast që terrorizoi Francën.
Një 13-vjeçare u dënua për akuza të rreme. Pesë të tjerë u shpallën fajtorë për konspiracion kriminal me qëllimin për të shkaktuar dhunë.
Paty, mësues historie, u ther e më pas iu pre koka afër shkollës në Paris nga Abdoullakh Anzorov, një radikal 18-vjeçar që shkoi në Francë kur ishte 6 vjeç me prindërit e tij çeçenë, shkroi Guardian.
Anzorov, që u vra më pas nga policia, e vrau Patyn pasi u shpërndanë mesazhe se mësuesi u kishte treguar nxënësve të tij portrete të profetit Muhamed, nga revista satirike Charlie Hebdo.
Vajza u dënua me 18 muaj burgim me kusht për akuzat e rreme që bëri.
Pesë të tjerët e ndihmuan Anzorovin kur ai i pyeti cili ishte mësuesi. Dënimet e tyre mund të jepen me kusht apo në arrest shtëpiak.
