Andriy Kravchuk po ushtron me Manchester Cityn pasi u largua nga klubi rus, Torpedo Moscow.
Ish-futbollisti i Shakhtar Donetskut u largua nga Rusia, e cila e sulmoi vendin e tij ushtarakisht.
Ai ka folur për vendimin që e mori, teksa shpreson që sa më shpejt të bëhet me klub të ri, për të mos e humbur ritmin e formës.
“Nuk po ndihesha rehat. Po luaja në një vend i cili po e sulmonte ushtarakisht atdheun tim. Vendimi i vetëm ishte të largohesha”, deklaroi futbollisti.
Ende nuk dihet nëse Kravchuk do ta sigurojë një kontratë në Angli apo në ndonjë vend tjetër evropian.
FIFA i ka lejuar futbollistët ukrainas që të gjejnë angazhime në klube të tjera në formë huazimi deri në fund të sezonit, për t’u rikthyer më pas prej 1 korrikut në klubin paraprak.
