Sanksionet kundër Rusisë për luftën e saj në Ukrainë po dëmtojnë ekonominë e saj dhe Putinin, tha ministri i financave i Francës, duke shtuar se ndalimi i importeve të naftës dhe gazit rus në Bashkimin Evropian mbetet një opsion për Parisin.
“Ata po dëmtojnë shtetin rus dhe po dëmtojnë Vladimir Putinin”, tha Bruno Le Maire për televizionin LCI në një intervistë, shkruan Al Jazeera.
“A duhet të ndalojmë menjëherë blerjen e naftës ruse, a duhet të ndalojmë importin e gazit rus? Presidenti kurrë nuk i ka përjashtuar këto opsione”, tha ai.
