Ministria e Mbrojtjes ka mohuar pretendimet e disa mediave se fotografia e presidentit Hashim Thaçi është zhvendosur nga zyra e ministrit të ri Anton Quni.

“Për hir të informimit të drejtë dhe objektiv të qytetarëve, ju njoftojmë se në realitet, nuk ka pasur as vendosje e as zhvendosje të fotografive në zyrë, këtë e dëshmon më së miri edhe fotografia që shoqëron komunikatën e djeshme për media, për ceremoninë e pranim dorëzimit të detyrës të ministrave të mbrojtjes”, thuhet në komunikatën e Ministrisë së Mbrojtjes.

Ministria e Mbrojtjes i cilëson shkrimet e disa portaleve si krejtësisht të pavërteta, të njëanshme dhe tendencioze, pasi sipas tyre qëllimisht është prerë fotografia e presidentit Thaçi. /Gazeta Sinjali/