Ish-përfaqësues special i ish-presidentit amerikan Donal Trump, Richard Grenell ka paraqitur disa propozime për de-përshkallëzimin e situatës në Veri të Kosovës.
Grenell ka thënë se kryeministri Kurti duhet të ndryshojë diskurs teksa ka bërë thirrje që kryetarët e rinj të punojnë nga lokacione alternative dhe zgjedhjet e reja të zhvillohen menjëherë.
Tutje ai ka theksuar se Policia Speciale duhet të tërhiqet pasi – sipas tij – ky ishte një veprim i njëanshëm i Kurtit.
Gjithashtu ish-emisari ka kërkuar që të dyja palët të zbatojnë marrëveshjet e mëparshme ndërkohë që ka thënë se kushdo që ka sulmuar KFOR-in, Policinë e Kosovës apo protestuesit serbë, duhet të përgjigjet.
Për fund, Grenell ka thënë se SHBA-të duhet të udhëheqin negociatat në vazhdim.
Postimi i tij:
Mendësia duhet të mbizotërojë në Kosovë:
-Kryeministri Kurti duhet të ndryshojë diskurs.
-Kryetarët e rinj të punojnë nga lokacione alternative dhe zgjedhjet e reja të zhvillohen menjëherë me pjesëmarrje të plotë.
-Policia speciale duhet të tërhiqet sepse ishte një veprim i njëanshëm i kryeministrit Kurti.
-Më pas protestuesit mund të largohen nga rrugët.
-Të dyja palët duhet të zbatojnë të gjitha marrëveshjet e mëparshme.
-Kushdo që ka sulmuar KFOR-in, policinë e Kosovës apo protestuesit serbë duhet të përgjigjet.
-Shtetet e Bashkuara duhet të udhëheqin negociatat në vazhdim.
Commonsense must prevail in Kosovo:
— Richard Grenell (@RichardGrenell) June 17, 2023
-PM Kurti must change course.
-The new mayors should work from alternate locations and new elections immediately held with full participation.
-The special police should be withdrawn because it was a unilateral move by PM Kurti.
-The protesters…
Ndërkohë, përkundër komunikatës së lëshuar gjatë ditës së sotme nga Departamenti Amerikan i shtetit për thirrje urgjente të Serbisë për lirimin e tre zyrtarëve policorë, Grenell nuk e ka paraqitur këtë kërkesë në statusin e tij.
