image Ferdinand u dërgua në emergjencë gjatë ndeshjes ndaj Liverpoolit - Sinjali

Ferdinand u dërgua në emergjencë gjatë ndeshjes ndaj Liverpoolit

news image

Rio Ferdinand pa humbjen 5-0 të Manchester United në shtëpi ndaj Liverpoolit në spital të dielën, duke bërë shaka se kapitullimi i ish-klubit të tij e dërgoi atë në A&E (klinika emergjente).

Djajtë e Kuq u demoluan nga rivalët e tyre të përhershëm në Old Trafford, duke shtuar presionin mbi trajnerin Ole Gunnar Solskjaer.

Mysafirët shënuan katër gola brenda pjesës së parë, derisa pranuan edhe të pestin në fillim të pjesës së dytë, me Paul Pogban që u ndëshkua direkt me karton të kuq për ndërhyrjen në Naby Keitan.

Ishte një pasdite e mjerueshme në përgjithësi për United, dhe Ferdinand e pa debaklin e ish-skuadrës së tij nga spitali.

Legjenda e United zbuloi në rrjetet sociale se ai e kaloi të dielën e tij në A&E, megjithëse nuk dihet pse ndodhi kështu.

Pas golit të pestë të Liverpoolit, ai postoi një foto të tij të shtrirë në spitali në Tëitter dhe shkroi: “Këto 60 minuta më kanë dërguar në A&E…”.

Ferdinand duhet të ketë menduar se e diela e tij nuk mund të përkeqësohej pasi u dërgua në spital, por United siguroi se kishte ende vend për ankth të mëtejshëm.

Atyre iu dha disfata më e rëndë në shtëpi që 66 vite kundër Liverpoolit, që do të thotë se Solskjaer tani përballet me një shkarkim.   /Gazeta Sinjali Sporti/


Shpërndaje artikullin