Një dukuri e shpeshtë dhe që është shndërruar në shqetësim për blegtorët në vende të ndryshme në Kosovë, është vjedhjet e bagëtive. Viteve të fundit kjo dukuri alarmoi ata pasi u shënuan disa vjedhje të rënda, shkruan Gazeta Sinjali.
Siç mëson Gazeta Sinjali nga burimet e veta cak i hajnave ishte edhe një familje në fshatin Cermjan të Gjakovës.
Pasi iu futën në stallë, familjes në fjalë dikush arriti që t’ia vjedhë dy lopë, vlera e të cilave ka një shumë të konsiderueshme monetare.
Sinjali ka kontaktuar Policisë e Kosovës për detajet e këtij rasti dhe është në pritje të një përgjigje.
