Eurodeputetja gjermane dhe raportuesja për Kosovën në Parlamentin Evropian, Viola von Cramon, ka thënë se shpreson që në korrik, Kosovës t’i hiqen vizat, atëherë kur edhe pritet të ndryshojë Presidenca në Gjermani.

Kjo është një shpresë për anëtaren e Parlamentit Europian, Viola Von Cramon, se ky ndryshim i Presidencës mund të jetë në të mirën e kosovarëve për të dalë nga izolimi.

“Është për të ardhur keq për procesin e liberalizimit të vizave për Kosovën. Unë kam lobuar shumë për këtë çështje. Ka shumë hezitim nëse janë përmbushur kriteret në shumë çështje të reputacionit të përjgithshëm si krimi i organizuar në Kosovë. Nuk është çështje teknike, por s’ka ndonjë arsye të qartë se pse ende nuk po hiqet regjimi i vizave”.

“Shpresoj që me marrjen e Presidencës nga Gjermana t’u jepen vizat kosovarëve. Është diskriminim dhe ne nuk mund të premtojmë atë që s’mund të bëjmë. Ky frustrim ndjehet edhe nga shumë kolegë të mi në Parlament, në veçanti në Berlin, por edhe në shumë kryeqytete të tjera. Jam mjaft optimist që presidenca gjermane ta pranojë këtë situatë”./ Gazeta Sinjali/