Raportuesi për Serbinë në Parlamentin Evropian, Vladimir Bilçik, ka thënë se Serbia nuk mund të bëjë progres në përpjekjet e saj për integrim në Bashkimin Evropian, pa i normalizuar marrëdhëniet me Kosovën.
“Progresi në diskutimin mes Beogradit dhe Prishtinës do të përmirësonte ndjeshëm pozitën e Serbisë si në Parlamentin Evropian ashtu edhe në institucionet e tjera evropiane,” tha Bilçik.
Bilçik tha se Serbia mori një vendim jo të lehtë për t’u anëtarësuar në BE dhe tani duhet të marrë shumë vendime të tjera të rëndësishme, para së gjithash për të normalizuar marrëdhëniet me Prishtinën, sepse pa këtë, siç tha ai, “progresi drejt Bashkimit Evropian do të jetë i ngadaltë, ose nuk do të funksionojë”.
Për Bilçikun, normalizimi i marrëdhënieve me Prishtinën është ajo që bën një ndryshim të madh pozitiv në jetën e njerëzve.
“Pesë apo gjashtë vjet më parë kishte një ndjenjë jete për ta, ndërsa tani kanë frikë të dalin nga shtëpia, sidomos në veri të Kosovës, gjë që mund të zgjidhet vetëm me një marrëveshje ndërmjet Beogradit dhe Prishtinës, pas së cilës këta njerëz do të mund të udhëtonte lirshëm, të shkonte në shkolla, te mjeku dhe gjithçka tjetër”, thotë Bilçik.
Ai beson se pjesë e problemit është edhe kryeministri Aljbin Kurti, i cili normalizimin e sheh si garanci që pesë vendet e mbetura të BE-së ta njohin Kosovën.
“Ne nga Sllovakia kemi thënë në vitin 2007 se duam të shohim dialog dhe marrëveshje ndërmjet Beogradit dhe Prishtinës, kështu që do të rivlerësojmë qëndrimin tonë vetëm pas kësaj”, tha Bilçik.
Ai theksoi se edhe Sllovakia dhe vendet tjera që nuk e kanë njohur Kosovën, pajtohen për nevojën e dialogut.
“Dialogu është rruga e përparimit, andaj duhet të flasim edhe për bashkimin e komunave serbe dhe t’i përmbahemi të gjitha marrëveshjeve dhe vendimeve nga e kaluara, dhe disa gjëra duhet t’i fitojë Serbia, disa gjëra nga Kosova, por më e rëndësishmja është se ekziston vullneti për kompromis në mënyrë që të gjithë njerëzit atje, përfshirë serbët, të kenë një të ardhme evropiane”, tha Bilçik.
