Skuadra e Napolit ka njoftuar se dy lojtarët Elseid Hysaj dhe Amir Rrahmani kanë rezultuar përsëri pozitivë me koronavirus, shkruan Sinjali Sportiv.

Sipas njoftimit, dy lojtarët kanë rezultuar pozitivë me koronavirus pas testimeve që u bënë  për herë të dytë.

“Tamponët e kryer dje në mëngjes për anëtarët e grupit të ekipit janë të gjithë negativë ndaj COVID-19, me përjashtim të Amir Rrahmani dhe Elseid Hysaj, të cilët kanë ri-pozitivizuar dhe do të izolohen menjëherë në shtëpi duke pritur testet e reja të shtupave“, thuhet në njoftimin e skuadrës./Sinjali Sportiv/