Interpol Tirana ka ekstraduar drejt shtetit spanjoll dy persona të cilët ishin shpallur në kërkim ndërkombëtar.
Me urdhër-arrest ndërkombëtar është ekstraduar shtetasi A. Xh. (38 vjeç) banues në fshatin Bishan të Vlorës për veprat penale “Trafiku i narkotikëve” dhe “Organizata kriminale”.
Ky shtetas ishte shpallur në kërkim ndërkombëtar, pasi autoritetet gjyqësore spanjolle, me vendimin e datës 15.01.2021, kishin lëshuar urdhër-arrest ndërkombëtar ndaj tij për dy vepra penale.
38-vjeçari u vu në pranga më 07.05.2022 në kuadër të operacionit policor të koduar “Lugo” zhvilluar nga Policia e Vlorës.
Gjatë ditës së djeshme u ekstradua gjithashtu drejt Spanjës shtetasi R. T. në kërkim për vepra penale në fushën e narkotikëve dhe kundër shëndetit publik dhe i vënë në pranga nga Policia e Fierit, më 06.05.2022, në kuadër të operacionit policor të koduar “Vilanova”, raporton Euronews.al.
