Gazeta Sinjali ka mësuar detaje të reja lidhur me incidentin që ndodhi në një aheng familjar në Prizren, ku u dëgjuan të shtëna me armë zjarri.
Burimet tona konfirmojnë se këngëtari i njohur Hamez Llapqeva është intervistuar në cilësinë e të dyshuarit për veprën penale “Moslajmërim i veprës penale”.
Përveç tij, në polici janë shoqëruar edhe disa anëtarë të familjes Paluca, të cilët shihen në videon e publikuar ekskluzivisht nga Sinjali duke shtënë me armë gjatë ahengut.
Hetimet për rastin po zhvillohen nën udhëheqjen e Prokurorit të Shtetit, ndërsa policia ka konfiskuar armët dhe është duke vazhduar procedurat ligjore ndaj të përfshirëve.
Sinjali – aty ku e vërteta flet para lajmit!
Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata.