Janë shëruar edhe gjashtë persona nga koronavirusi në Kosovë, derisa numri i përgjithshëm i të shëruarve deri më sot është gjithsej pesëdhjetë e tetë.
Po ashtu janë konfirmuar edhe 33 raste të reja, duke e çuar në 283 numrin total të të infektuarve.
Lajmi u bë i ditur nga njoftimi i IKSHP-së në rrjetin social Facebook.
“Sot më 11 prill 2020, në Laboratorin e Mikrobiologjisë Molekulare në IKSHPK me metodën RT-PCR, janë testuar gjithsej 130 mostra të marra nga Klinikën Infektive, gjurmimi i kontakteve të rasteve në terren si dhe nga karantina në Qendrën studentore. Me SARS CoV-2 pozitiv sot në Kosovë janë diagnostikuar gjithsej tridhjetë e tre (33) raste”, thuhet në njoftimin e tyre./Gazeta Sinjali/
