Gjatë ditës së sotme një person me inicialet A.G., është arrestuar nga policia, pasi që i njëjti dyshohet për kontrabandim me emigrantë, shkruan Gazeta Sinjali.

Siç bëhet e ditur nga policia, i dyshuari u ka siguruar viza Shengen qytetarëve të Kosovës në Ambasadën e një shteti të huaj.

A.G., dyshohet se qytetarëve ua merrte nga 3 mijë deri në 5 mijë euro për sigurimin e një vize.

Gjatë kontrollit të shtëpisë së dyshuarit janë gjetur një revole 7.65, “Cr.Zastava”, 32 plumba të revoles 7.65 mm, këllëf i revoles “Cr Zastava”, një revole Ekol Aras Magnum, një Iphone 11 Pro Max, mbi 6 mijë euro gjithashtu dinar të Serbisë dhe të Maqedonisë së Veriut.

“I dyshuari është intervistuar në prezencë të mbrojtësit të angazhuar sipas detyrës zyrtare dhe me vendim të Prokurorisë Themelore në Prishtinë, Departamenti i Krimeve të Renda, i njëjti dërgohet në mbajtje për procedura të mëtejme ligjore“, thuhet në njoftimin e policisë. /GazetaSinjali/