Në internet janë shpërndarë pamje të dy “bandave” të majmunëve të cilët luftojnë mes vete, duke shkaktuar bllokim të rrugës.

Në video shihet se grupet e majmunëve përballën mes vete dhe se vozitësit janë detyruar që të presin në rrugë për katër minuta, shkruan Daily Mail, transmeton Gazeta Sinjali.

Një dëshmitar, Khun Itiphat, tha:

“Isha në një ndërtesë afër tempullit, kur i dëgjova majmunët duke klithur. Kishte shumë dhe të gjithë rrinin së bashku. Pashë që kishin një mosmarrëveshje, pastaj të gjithë vrapuan në rrugë dhe filluan të ndeshen.”

Një përleshje e ngjashme masive mes majmunëve kishte ndodhur në marsin e vitit të kaluar, kur dy grupe majmunësh ishin ndeshur nga dy anët e një hekurudhës për shkak të copëzave të ushqimit.

Vala e tretë e pandemisë po bëhet shkak i mungesës së ushqimit për kafshë në Lopburi, qytet në pjesën qendrore të Tajlandës./Gazeta Sinjali/