Qeveria në detyrë e Republikës së Kosovës, e ka shkarkuar Bordin e Drejtorëve të Ndërmarrjes Publike Qendrore Kompania Rajonale e Ujësjellsit “Prishtina”.

Ky vendim është marrë në mbledhjen e sotme të Qeverisë së Kosovës, shkruan Gazeta Sinjali.

Me po të njëjtin vendim, qeveria në detyrë ka njoftuar se është emëruar bordi i përkohshëm i kësaj kompanie.

Anëtarë të këtij bordi janë:

Mentor Hyseni, kryesues dhe drejtues,

Hajrije Morina, drejtore,

Seat Bilibani, drejtor dhe

Idriz Maliqi, drejtor.

“Për arsyet e cekura në memorandumin shpjegues të Ministres së Ekonomisë, Punësimit, Tregtisë, Industrisë, Ndërmarrësisë dhe Investimeve Strategjike, Qeveria vendosi si në dispozitiv”, thuhet në vendimin e qeverisë.

Gjithashtu, bëhet e ditur se vendimi hyn në fuqi në po këtë datë edhe kur është nënshkruar nga kryeministri në detyrë, Albin Kurti./Gazeta Sinjali/