Dogana e Kosovës ka realizuar një aksion në Mitrovicë ku ka kapur rreth 5 ton duhan të kontrabanduar, shkruan Gazeta Sinjali.

Në një njoftim për media Dogana njofton se vlera e këtij malli është 13 mijë euro dhe shmangiet në vlerë prej 3 mijë e 784, mirëpo në rast se ky mall do të arrinte të kontrabandohej në territorin e Republikës së Kosovës dhe të përpunohej shmangiet nga detyrimet doganore do të ishin rreth 210 mijë euro.

“Lidhur me ketë rast është njoftuar Prokuroria Themelore në Mitrovice dhe me urdhër të prokurorit kujdestar i dyshuari është duke u intervistuar”, thuhet në njoftimin e doganës.

Njoftimi i plotë:

Kapen rreth 5 ton duhan i kontrabanduar

Mitrovicë 26 qershor 2021 njësit e Doganës kanë realizuar një operacion gjatë të cilit janë kapur sasi e konsiderueshme e duhanit.  

Njësitet Antikontrabandë të Doganës së Kosovës me qëllim të luftimit të kontrabandës se mallrave përmes rrugëve ilegale kane kryer një Operacion të suksesshëm në regjionin e Mitrovicës, pas pranimit të informatave  përmes rrugëve operative.  Me ketë rast është arritur të identifikohet dhe ndalohet një kamion i cili ishte duke transportuar mallra të kontrabanduara (Duhan i Papërpunuar) në sasi prej 5,000 Kg.

Vlera e këtij malli  është 13,000 Euro dhe shmangiet në vlerë prej 3,784 Euro, mirëpo në rast se ky mall do te arrinte të kontrabandohej në territorin e Republikës së Kosovës dhe te përpunohej  shmangiet nga detyrimet Doganore do ti ishin  rreth 210,000 mijë Euro.

Lidhur me ketë rast është njoftuar Prokuroria Themelore në Mitrovice dhe me urdhër të prokurorit kujdestar i dyshuari është duke u intervistuar.

Dogana fton qytetarët që të lajmërojnë rastet e kontrabandës dhe korrupsionit përmes telefonatave pa pagesë në 0800 50095 sepse vetëm së bashku mund të luftojmë dukuritë negative./ Gazeta Sinjali/