Uthulla e mollës është një produkt organik mjaft i njohur, të cilin mund ta përdorim në mënyrë shumë të thjesht dhe që është mjaft efikas.

Atë mund ta përgatisni vetë në shtëpi dhe të përfitoni për shëndetin e organizmit, flokëve dhe sigurisht lëkurës.

Vetitë pastruese të këtij produkti sigurisht që bëjnë mrekulli në zonën ku veprojnë, duke e lënë atë të pastër e të butë.

Për shkak të përqëndrimit të madh të antioksidantëve, ky produkt do ta bëjë fytyrën rrezëllitëse.

Gjithashtu largon yndyrën e tepërt, parandalon aknet, infeksionet dhe largon shenjat e padëshiruara.

Ka veti të mëdha antibakteriale ndaj këshillohet të përdoret në çdo fytyrë, e sidomos tek ato që përballen shpesh me pluhurin apo faktorë të tjerë që e stresojnë lëkurën.

Uthulla mbi lëkurë mund të funksionojë fare mirë edhe si një tonik natyral, duke mbyllur poret e zgjeruara e duke zbehur shenjat e moshës.

Çfarë ju duhet për përgatitjen

75 ml uthull molle

250 ml ujë i ftohtë

Si fillim, sigurohuni që uthulla e mollës të jetë 100% natyrale, pasi vetitë e saj mbi lëkurë do të jenë me të thella.

Më pas vazhdoni me trajtimin, përzieni uthullën me ujin në një enë dhe çdo darkë pasi të lani fytyrën, spërkateni në fund me uthullën e mollës.

Është e rëndësishme që uthullën ta përzieni gjithnjë me ujë për të ulur pak aciditetin dhe aromës e saj.

Pasi ta keni vendosur mbi fytyrë, lëreni të thahet për 30 minuta dhe mund të shtriheni.

Këtë trajtim bëjeni 5 ditë në javë dhe 2 ditë pushim në mënyrë që fytyra të ketë kohë të rigjenerohet./Gazeta Sinjali/