Gazeta Sinjali raportoi më parë se në lagjen “Dardania” në Fushë Kosovë ka ndodhur një shpërthim.
Këtë e ka konfirmuar për Sinjalin, Policia e Kosovës në rajonin e Prishtinës.
Zëdhënësja e Policisë së Kosovës, Flora Ahmeti, ka thënë se shpërthimi ka ndodhur rreth orës 06:00, në rrugën “Shefki Kuleta”.
Në vendin e ngjarjes kanë dalë njësitet e nevojshme policore të cilat po merren me rastin.
Sipas Ahmetit, bazuar në të dhënat fillestare nuk raportohet për persona të lënduar, janë shkaktuar vetëm dëme materiale.
