Me 42 vota kundër, 21 pro dhe një abstenim ka dështuar të miratohet rezoluta e propozuar nga Aleanca për Ardhmërinë e Kosovës.
Në votim morën pjesë 64 deputetë nga 77 sa ishin në sallë.
Kryetari i Kuvendit, Glauk Konjufca, ka mbyllë punimet e interpelancës së sotme.
“Kuorum kemi pasë, s’miratohet. I mbyllim edhe punimet e kësaj interpelance dhe menjëherë kalojmë te seanca tjetër”.
Kjo ishte rezoluta e AAK-së, të cilën e lexoi në fillim të seancës kryetari i kësaj partie, Ramush Haradinaj:
1. Institucionet e Kosovës, Presidenca, Kuvendi, Qeveria dhe nivelet e tjera shtetërore, të fillojnë dialogun me serbët që janë larguar nga institucionet për t’i kthyer prapë aty;
2. Qeveria të nisë me komunikim intensiv me faktorët më relevantë në vend, duke përfshirë edhe opozitën;
3. Të kërkohet një samit me Shtetet e Bashkuara të Amerikës disaditor deri në përmbylljen e marrëveshjes finale me njohje reciproke Kosovë-Serbi.
