Mobilizimet e partive politike në vend po vazhdojnë çdo ditë e më shumë pas vendimit të fundit nga Gjykata Kushtetuese lidhur me vlefshmërinë e votës së Etem Arifit, shkruan Gazeta Sinjali.
Ndonëse, pothuajse secila parti në tubimet e tyre parazgjedhore po shkelë masat antiCOVID-19 të vendosura nga Qeveria e Kosovës, kjo nuk po u bën përshtypje atyre.
Një rast i tillë ka ndodhur edhe te kryetari i degës së PDK-së në Skënderaj, Sami Lushtaku.
Lushtaku përmes një postimi në Facebook ka publikuar një fotografi me përshkrimin: Darkë për qejfi me bashkëluftëtarë e miq!
Ndryshe, Gazeta Sinjali ka raportuar edhe dy netët e fundit për Lushtakun, pasi përsëri ky i fundit kishte vazhduar t’i mbledhte burrat në mes të pandemisë, ndonëse sipas vendimit të qeverisë ndalohet grumbullimi i më shumë se 4 personave.
