Kanë dalë rezultatet e analizave të Drejtorisë së Shëndetit Publik, pas helmimit të rreth 60 nxënësve, në shkollën e mesme “Adem Haxhia” në fshatin Postribë, Shkodër.

Pas analizave, Drejtoria e Shëndetit Publik ka bërë me dije se nga mbi 20 monstra të marra nga nxënësit, 16 kanë rezultuar me salmonelë.

Kjo gjë ka sjellë helmimin e 60 nxënësve, të cilët pas përfundimit të mësimit kanë patur dhimbje barku dhe të vjella, pasi janë ushqyer një fast-food pranë shkollës. /Gazeta Sinjali/