image Daily Mail: Gjyshërit e Orës dhe Lipës janë parë duke shijuar një pije në Kosovë në vitin 1960

Bota e Yjeve

Daily Mail: Gjyshërit e Orës dhe Lipës janë parë duke shijuar një pije në Kosovë në vitin 1960

news image

Gjyshërit e Rita Ora dhe Dua Lipa mund të shihen duke shijuar një pije në Kosovë në vitin 1960 me një imazh që po qarkullon në rrjete sociale.

Të njëjtën e ka postuar Dukagjin Lipa, derisa gjyshi i Ritës, Besim Sahatçiu, një regjisor filmi dhe gjyshi i Duas, Seit Lipa, një historian dhe intelektual, ulen së bashku duke pirë, shkruan Daily Mail.

Yjet e muzikës pop, përkatësisht me moshën 30 dhe 25 vjeç, janë të dyja me origjinë shqiptare.

Fansat duke bërë krahasime mes tyre, u mahnitën me ngjashmëritë që ato kanë me gjyshërit e tyre.

“Babai im, Seit Lipa dhe z. Besim Sahatçiu. Gjyshërit e Dua Lipës dhe Rita Orës duke pirë një pije në qytetin e viteve 1960 në Pejë”, ka shkruar tutje Lipa.

Besim, i cili vdiq në vitin 2005, ishte shumë i respektuar në fushën e tij dhe në 2018, Ministria e Kulturës e nderoi pas vdekjes me një Çmim për Arritjet e Jetës për Kinematografi. Atë vit, një rrugë në qytetin e Prishtinës u emërua pas tij.

Seit në anën tjetër ndërroi jetë në vitin 1999 dhe ishte i njohur në fushën e tij, duke vepruar si udhëheqës i Institutit Kosovar të Historisë nga 1990 deri në 1995.

Rita lindi në Prishtinë, nga prindër shqiptarë. Nëna e saj, Vera, psikiatre dhe babai i saj, Besnik Sahatçiu, është një pronar pubi, i cili ka studiuar ekonomi.

Dua ka lindur në Londër dhe është fëmija i madh i prindërve shqiptarë të Kosovës. Nga ana e gjyshes së saj nga nëna, ajo është me origjinë boshnjake.

Shumë theksuan lidhjen në dukjen e Dua dhe Seit – duke analizuar formën e vetullave të tyre.

Edhe pse familjarët e tyre dikur qëndronin së bashku, dy artistet me renome ndërkombëtare nuk flasin mes vete. /Gazeta Sinjali/