Ngjarjet e planifikuara për ditën e sotme:

09:30
Mbahet seanca ndaj ish-ministrit të Shëndetësisë, Ferid Agani, dhe ish-sekretarit Gani Shabani në rastin e njohur si “Stenta”. (Gjykata Themelore në Prishtinë).

10:00
Instituti Demokraci për Zhvillim (D4D) organizon debatin “Sektori i shëndetësisë: Kapacitetet për vaksinim kundër Covid-19”. (Ngjarja transmetohet LIVE në faqen e D4D).

11:00
Agjencia Shtetërore e Arkivave e Kosovës mban aktivitet me rastin e 70-vjetorit të themelimit të Arkivit të Kosovës. (Objekti i Agjencisë Shtetërore të Arkivave të Kosovës, Prishtinë).

12:00
Në Stadiumin “Fadil Vokrri” mbahet konferencë për medie, ku edhe do të bëhet prezantimit i logos së re të FFK-së dhe i fanellave të reja të Kombëtares për fushatën kualifikuese të Botërorit “Katari 2022”. (Stadiumi “Fadil Vokrri”, Prishtinë).

12:00
Kryetari i Komunës së Prizrenit, Mytaher Haskuka dhe drejtoresha e Drejtorisë Komunale të Arsimit, Xhemile Thaçi Vezgishi do të vizitojnë disa shkolla. (Prizren).

13:00
Hidhet shorti për fazën gjysmëfinale të Kupës së Kosovës në futboll. (Stadiumi “Fadil Vokrri”).

14:00
Instituti Kombëtar Demokratik (NDI) me përkrahje nga Agjencia Amerikane për Zhvillim Ndërkombëtar (USAID),organizon debatet me temën: “Rëndësia e përfshirjes së kandidatëve me integritet të lartë në listat zgjedhore”. (Hotel “Emerald”, Prishtinë).

14:00
Mbahet programi i hapjes së projektit “Balkan Youth School 2021”, merr pjesë ambasadori i Turqisë në Kosovë, Çagri Sakar, përfaqësuesit nga Drejtoria e Diasporës Turke dhe Popujve Mike (YTB), Përfaqësuesit nga Agjencia Turke për Bashkëpunim dhe Koordinim (TIKA) dhe përfaqësues nga institucionet e ndryshme të Kosovës. (Hotel “Garden”, Prishtinë)./Gazeta Sinjali/